رئيس التحرير: عادل صبري 02:35 مساءً | الخميس 21 مارس 2019 م | 14 رجب 1440 هـ | الـقـاهـره °

بعد أزمة باسم مرسي والزمالك.. رواد تويتر: «الجماهير معاك»

بعد أزمة باسم مرسي والزمالك.. رواد تويتر: «الجماهير معاك»

سوشيال ميديا

باسم مرسي

بعد أزمة باسم مرسي والزمالك.. رواد تويتر: «الجماهير معاك»

وائل مجدي 09 يناير 2019 21:22

هاجمت جماهير الزمالك إدارة النادي، بعد الإجراءات التي اتخذها مؤخرًا بحق اللاعب باسم مرسي.

 

ودشن رواد موقع التدوينات المصغر "تويتر" هاشتاج حمل اسم "باسم مرسي"، وجاء ضمن التريندات الأكثر تداولًا في مصر.

 

وقال مغردون لـ "اللاعب": جماهير الزمالك معاك.. أنت ياما فرحتنا".

 

 

كشف باسم مرسي مهاجم الزمالك تفاصيل فسخ إعارته لنادي سموحة بعد توقيعه عقود الانضمام للنادي السكندري لنهاية الموسم الجاري.

 

وكتب باسم مرسي عبر حسابه بموقع تويتر : "تلقيت اليوم اتصال من مسئول في نادي الزمالك يطالبني بالرجوع ، قالي بالنص "عندي ليك مفاجأة الزمالك عايزك ترجع وتروح نادي تانى بدل سموحة" أحنا اللى أخرنا البطاقة الدولية عشان لو كنت لعبت الماتش مكناش هنعرف نرجعك".

 

أضاف باسم مرسى : "بسبب موضوع معين بقيت أنا طرف فيه بدون إرادتى .. دلوقتى قدامي اختيار من اثنين الأول أني ألعب فى الزمالك والمدرب مش عايزني بألف جنيه فى ست شهور والاختيار الثاني أني أنتقل لفريق ترتيبه الأخير في الدورى .. هل أنا بعد ما لعبت أربع مواسم فى الزمالك حصلنا فيهم على 5 بطولات وأحرزت 53 جول يكون ده مصيري من مسئولين نادى الزمالك".

 

وأكمل باسم مرسي: "قبل كده أنا مكنتش بطلع أتكلم .. بس الموضوع يوصل أن يتقال أن التأخير بسببي في موضوع البطاقة الدولية وتشوية سمعتي أن ده بسبب خلاف مادي بينى وبين النادى اليوناني فده مش صحيح .. أنا عقدي اتفسخ رسمي من الاتحاد اليوناني .. لو مكنش اتفسخ رسمي مكنتش يحقلي أنى أتمرن في نادي سموحة".

 

وأضاف باسم مرسى : "أنا فى وقت إقامتى كاملة فى اليونان حصلت على 5 آلاف يورو فقط واتنازلت عن جميع مستحقاتي للزمالك وجددت سنتين اتنازلت فيهم عن 4 ملايين جنيه عشان يوافقوا على احترافي وعند انتقالي إعارة لسموحة جددت سنة كمان على بياض".

 

وقال باسم مرسى: "أنا هرجع نادى الزمالك مش لو بألف جنيه لو ببلاش لأن شرف ليا أنى ألعب في نادي الزمالك .. مكنتش حابب أتكلم رغم اتصال عدة برامج بيا من وقت وصولي للقاهرة لتوضيح أمور بمقابل مادى بس أنا كنت برفض .. أنا حاليا بعد ما استقريت فى الإسكندرية ونقلت أسرتى وأغراضى واستأجرت محل سكن تم إبلاغي أني لازم ألغي كل ده وأرجع حالا يا أقعد ست شهور فى البيت".

 

وأختتم باسم مرسى تصريحاته: "يارب الناس اللى كانت بتتهمني أني مقصر طول الوقت وبعمل مشاكل تكون الصورة واضحة لهم .. أنا طول الوقت بتحط في مشاكل أنا مش سبب فيها .. آسف على التطويل بس كان لازم التوضيح" .

  • تعليقات فيسبوك
  • اعلان