رئيس التحرير: عادل صبري 10:39 مساءً | الأحد 18 نوفمبر 2018 م | 09 ربيع الأول 1440 هـ | الـقـاهـره 26° صافية صافية

ابسلوتلى .. احنا مبسوطين جدا

ابسلوتلى .. احنا مبسوطين جدا
11 أبريل 2014

ابسلوتلى .. احنا مبسوطين جدا

شاهيناز النجار

ابسلوتلى .. احنا مبسوطين جدا

كل واحد أقابله اليومين دول يقولك انا هاطق نفسى اطفش من ام البلد دى (ياريت بس تلاقى بلد ترضى تاخدك وتاخدنا معاك ) وده يخلينى اقولك حاجة مهمة جدا العيب فيك انت ،انت الى واخد بالك ولا عارف مصلحتك .

وعلى فكرة فى زى وزيك كتير بس انا الحمدلله ربنا نورلى بصيرتى وشوفت الحقيقة ولازم تشاركنى فيها.

الناس بتقولك عندنا مشاكل كبيرة كهربا بتقطع ،مظاهرات،بطالة ،زحمة،زيادة سكنية،غلا أسعار وهلم جرة – أقولك أبسلوتلى انت بس علشان شعب مرفه بيلفت نظرك التفهات دى فمركز فيها انما يا برنس لو خليتك واقعى هتشوفها زى بطريقة تانية خالص

أولا:-  المبالغة ان الكهربا بتقطع عشر مرات فى اليوم حرام وعيب تحب حد يتكلم عن أهلك أو أخواتك بالغلط مش دى سمعة الكهربا هى بتقطع خمس مرات بس ولو محظوظ يبقى تلاتة وبعدين فوايد قطع الكهربا كتير القرب من ربنا لأن أول النور ما بيقطع بنقول "لا اله الا الله "واول ما بيرجع بتقول "الحمدلله" وكمان دلوقتى فى دعاء ركوب الاسانسير – ده غير طبعا أن طالما مفيش كهربا هتنخمد بدرى فاللى الى عايز يهرب من مراته هيلاقى مخرج من القاعدة النكد ادام التليفزيون – أما يا حول الله الى معندوش كشاف هيلبس فى رشة عشا رومانسى على ضوء الشموع (بس واحنا مالنا ايكش يولع)ده غير طبعا أن العيال مش هتعرف تذاكر بس وايه يعنى هما كانوا بيذاكروا فى الطبيعى وبعدين العلم فى الراس مش فى الكراس .

ثانيا:- جو المظاهرات بتاع كل يوم جمعة مالها بقا ده أتعودنا عليها والى شايفها مضايقاه هقوله برضه ابسلوتلى المظاهرات دى هى الى خليتنا نقعد فى البيت أسرة متماسكة ،متحابه ولا يعنى عايزين تنزلوا تخدوا قنبلة ولا تشموا غاز حقيقى شعب مش عارف مصلحته .

وتبقى أحلى وأحلى لو مع المظاهرات النور قطع الراجل من دول حيمسك فى خناق مراته من الزهق ويطلقها وبكدة نبقى حققنا المعادلة الصعبة وأتحكمنا فى زيادة عدد المواليد هنبقى بلد راقى يا معلم .

بس برضه يجى واحد يقولى الزحمة والبطالة أقوله يا حبيبى ده دول اتحلو فى خطوة واحدة انت بتسمى الكام ساعة الى الناس بتوقفهم على الدائرى أو المحور دى- أبسلوتلى  أولا الزحمة بتدى  فرصة للناس  تنام وتأنتخ وتعمل حاجات كتير أوى وراها ده غير أن لو واحد حب يكسر عليك وضايقك هتنزل تمسك فى خناقه وتطلع عليه الزهق والخنقة وترجع البيت تتخمد زى الملايكة  . وكمان فى الزحمة استفادة تانية كل الى مش عارف يركن علشان الخمس صفوف عربيات الى جنب بعض هتلاقى واحد جه يسعدك وأهى سبوبة وأكل عيش .

الزحمة كمان رحمتنا من الستات وسواقتهم المحترمة أهو خليهم خايفين ينزلوا ويتكنوا فى البيت بقى.

وأخيرا بقى كلمة عن السياحة وأحرق دمى وقولى باظت وخربت أبسلوتلى يا معلم أحنا أصلا كنا غلطانين مفروض أن الباب الى يجيلك منه الريح سده واستريح واحنا كان بيدخلنا منه ميليارات بس ده مش مهم المهم راحة البال وطبعا شعبنا كان باله مش مرتاح ويرتاح ازاى وهو شايف مزز بالشورتات والمايوهات مش دعوة للتحرش والفسق ملها يعنى الست الى فى البيت دى (مش كانت أختيارك المهبب) يبقى عندك أختيار تانى ليه للبصبصة؟

وبعدين متاحف  ومعابد ايه الى بيجو يزوروها هو احنا رجعنا لعصر ابو لهب هو احنا ناقصين تخلف وجهل وكمان توصل الهيافة بيهم انهم يجو علشان يشوفوا تعامد  الشمس على وش رمسيس التانى فى يوم عيد ميلاده هما مالهم اصلا هو عيد ميلاد أبوهم  بطلوا محن بقى .

تقولى بقا غلاء أسعار ومرتبات قليلة الى ماعهوش ما يلزموش وكفاية ان البلد اصلا مستحملانا.

الخلاصة أن احنا شعب ظالم شايف نص الكباية الفاضى وحتى هنا لازم أقولك انك غلطان كل الى انت شايفه غلط ده ابسلوتلى – صح ولو مش عجبك او مضايقك ممكن اسمح لك تقول كلمة واحدة بس . اه يا مرارى.

اقرأ أيضا
  • تعليقات فيسبوك
  • اعلان

    أحدث المقالات

    تضامنا مع مصر العربية.. الصحافة ليست جريمة

    محمد إبراهيم

    تضامنا مع مصر العربية.. الصحافة ليست جريمة

    السيئ الرئيس!

    سليمان الحكيم

    السيئ الرئيس!

    يسقط المواطن ويحيا القولون الغليظ!

    علاء عريبى

    يسقط المواطن ويحيا القولون الغليظ!

    عزيزي عادل صبري.. والاس هارتلي يُقرؤك السلام

    تامر أبو عرب

    عزيزي عادل صبري.. والاس هارتلي يُقرؤك السلام

    ما جريمة عادل صبري؟

    يحيى حسين عبد الهادي

    ما جريمة عادل صبري؟

    عادل صبري.. المثقف الوطني وجه مصر

    أميمة أحمد

    عادل صبري.. المثقف الوطني وجه مصر

    نظرة على الانتخابات بعد انتهائها

    محمد إبراهيم

    نظرة على الانتخابات بعد انتهائها

    عادل صبري حفيد النديم

    سليمان الحكيم

    عادل صبري حفيد النديم

    عادل صبري وترخيص الحي!

    علاء عريبى

    عادل صبري وترخيص الحي!

    عادل صبري رمز الصحافة المهنية

    السيد موسى

    عادل صبري رمز الصحافة المهنية